• The Facebook Platform

Results 1 to 2 of 2
  1. #1
    Join Date
    Jan 2010
    Location
    Lahore, Pakistan
    Age
    25
    Posts
    3,818
    Points
    6,772.51
    Rep Power
    10000

    Default Tera youn sab khuch keh jana acha laga mujko

    Tera youn sab khuch keh jana acha laga mujko




    Terayounsabkhuchkehjanaachalagamujko - Tera youn sab khuch keh jana acha laga mujko


    Tera youn sab khuch keh jana acha laga mujko
    Tera youn muskurana khilkhilana acha laga mujko

    Khuch lafzon sey bandhye hui teri ye nazam
    Iss ka her lafz khud ko sunana acha laga muj ko

    Masal di hai qadmo taley us ney masoomiat jana
    Be hiss, ghudgerz ban jana acha laga mujko



    Main ye bhi janti houn be derd hai ye ishq
    Per iss derya main doob jana acha luga muj ko

    Pasand muj ko bhi nahin hain sookhye gulab jana
    Tera wo mehkta hua phool dena acha laga mujko

    Khelti tu ab bhi houn mazi ki guriya sey
    Us ki yadon main chupa hua derd sehna acha laga mujko


    Tum ney kaha ishq main sitarey toot jatey hain
    Tootey sitaron ko bahon main sametna acha laga muj ko

    Tum ney kaha ishq main saharey rooth jatey hain
    Ishq main uska sahara pana acha laga muj ko

    Tum ney kaha furqat key musam main derd miltey hain
    uski khatir derd main ansoo bahana acha laga mujko

    Tum ney kaha perhayi per tawaja doun
    Kitab key her lafz main uska aks nazar ana acha laga mujko

    Tum ney kaha khat mat likhna bari ruswayi hoti hai
    Mager jana apni muhabat ko khat main utarna acha laga muj ko

    Tum ney kaha phone mat kerna awazein aur sadayen dill dukhati hain
    Mager jeeney ka ye hi sahara dhoondna acha laga mujko

    Tum ney kaha meri nazmein nahin perhna jiya
    Suno jana iss key her lafz main apni muhabat ko pehchanana acha laga mujko

    Tera youn sab khuch keh jana acha laga mujko
    Tera youn muskurana khilkhilana acha laga mujko



    ---------- Post added at 11:05 PM ---------- Previous post was at 10:58 PM ----------







    ARZOO HAI KEY TUM KO BHI MILEY BE-WAFA KOI

    ARZOOHAIKEYTUMKOBHIMILEYBE WAFAKOI - Tera youn sab khuch keh jana acha laga mujko

    ARZOO HAI KEY TUM KO BHI MILEY BE-WAFA KOI
    MERI TERHAN AZAAB-E-TANHAYI KAREY SAHA KOI

    JIS TEHAN DILL KA KHOON KIYA HAI MAIN NEY
    TEREY SATH BHI AISA KAREY BURA KOI

    TAKLEEF A AHSSA NA JAYE NAS NAS SEY TERI
    TUM KO BHI NA KHYE APNA KOI

    AYE DIL NA BHOOLNA USS SHAKS KO TAMAM UMER
    KAREY US KO BHI SAR-E-RAH TANHA KOI



    ---------- Post added at 11:05 PM ---------- Previous post was at 11:05 PM ----------

    dil hai heere kii kanii, jism gulaaboN vaalaa


    dil hai heere kii kanii, jism gulaaboN vaalaa
    meraa mahaboob hai dar_asl kitaaboN vaalaa

    husn hai, raNg hai, shoKhii hai, adaa hai us meN
    ek hii jaam magar kitnii sharaaboN vaalaa

    yaar aa_iinaa huaa karate haiN yaaroN ke liye
    teraa cheharaa to abhii tak hai naqaaboN vaalaa

    mujh se hogii nahiiN duniyaa, ye tijaarat dil kii
    maiN karooN kya ke mera zahan hai KhvaaboN vaalaa

    too rahegaa, na tere zulm raheiNge baaqii
    din to aanaa hai kisii roz hisaaboN vaalaa

    husn-e-bebaak se ho jaatii haiN aaNkheiN roshan
    dil meN utraa hai magar roop hijaaboN vaalaa

    jo nazar aataa hai haasil nahiiN hotaa ''Manzar''
    ziNdagaanii kaa safar bhii hai saraaboN vaalaa



    ---------- Post added at 11:06 PM ---------- Previous post was at 11:05 PM ----------

    yahi huaa ki hawaa le gayii urhaa ke mujhe


    yahii huaa ki hawaa le gayii uRhaa ke mujhe
    tujhe to kuchh na milaa Khaak meN milaa ke mujhe

    bas ek gooNj hai jo saath-saath chaltii hai
    kahaaN ye chhoRh gaye faasale sadaa ke mujhe

    chiraaGh thaa to kisii taaq hii meN bujha rahtaa
    ye kyaa kiyaa ki havaale kiyaa, hawaa ke mujhe

    ho ek adaa to use naam dooN tamanna kaa
    hazaar raNg haiN is shola-e-hinaa ke mujhe

    bulaNd shaaKh se uljha thaa chaaNd pichhale pahar
    guzar gayaa hai ko_ii Khwaab sa dikhaa ke mujhe

    hazaar baar khula zehan baadbaaN kii tarah
    nukoosh-e-paa na mile umr-e-baad paa ke mujhe

    maiN apnii mauj meN Dooba huaa zaziira hooN
    utar gayaa hai samaNdar bulaNd pa ke mujhe



    ---------- Post added at 11:06 PM ---------- Previous post was at 11:06 PM ----------

    wo teer chhorha huaa to usii kamaan ka tha


    wo teer chhoRha huaa to usii kamaan ka tha
    agarche haath, kisii aur meharbaan ka thaa

    guzar rahaa thaa vo lamha jo darmiyaan ka thaa
    magar ye waqt baRhe saKht imtihaan ka thaa

    pataa nahiiN, ki judaa ho ke, kaise ziNda rahe
    hamaara uska ta'alluk to jism-o-jaan ka thaa

    hawaa to chaltii hii rahtii hai is samaNdar meN
    qasoor ko_ii agar thaa to, baadbaan ka thaa

    vahii kahaanii kabhii jhooTh thii, kabhii sach thii
    zaraa sa farq agar thaa to bas, bayaan ka thaa

    qadam-qadam pe naye maNzaroN kii hairat thii
    tirii galii ka safar thaa, ki ik jahaan ka thaa

    ham apne naam ke hisse ko DhooNDhte bhii kahaaN
    zamiiN ke paas jo kuchh thaa, aasmaan ka thaa

    kahiiN zameen pe saanii nahiiN milaa uskaa
    vo shaKhs jaise kisii aur aasmaan ka thaa

    Find Me On Social Networks

    Facebook | Twitter | Google+


  2. #2
    Join Date
    Sep 2011
    Location
    IN THE HEART
    Posts
    191
    Points
    196.45
    Rep Power
    332

    Default

    Bahut khoob..................nice sharing

    692823n68ya60jv9 - Tera youn sab khuch keh jana acha laga mujko
    nn47px - Tera youn sab khuch keh jana acha laga mujko
    divider - Tera youn sab khuch keh jana acha laga mujko




 

Thread Information

Users Browsing this Thread

There are currently 1 users browsing this thread. (0 members and 1 guests)

     

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •