• The Facebook Platform

Results 1 to 1 of 1
  1. #1
    Join Date
    Jul 2010
    Posts
    28
    Points
    31.82
    Rep Power
    0

    Default Ussay Bhool ja.....

    Kahan aa k ruknay they rastay, kahan morr tha usay bhool ja
    wo jo mil gaya usay yad rakh jo nahi mila usay bhool ja

    wo tere naseeb ki barishein ksi aur chat pe baras gayein
    dil-e-bekhabar meri baat sunn usay bhool ja usay bhool ja

    mein to gum tha tere he dheyan mein, teri aas, tere gumaan mein
    saba keh gai mere kaan mein mere saath aa usay bhool ja

    ksi ankh mein nahi ashk-e-gham, tere baad kuch bhi nahi hai kam
    tujhe zindagi ne bhula dia tu bhi muskura usay bhool ja







    kyun attaa hua hai ghubaar mein, gham-e-zindagi k fishaar mein
    wo jo darj tha tere bakht mein, so wo ho gaya usay bhool ja

    na wo ankh he teri ankh thi, na wo khawb he tera khawb tha
    dil-e-mutazir tou ye kis liay,tera jaagna, usay bhool ja

    ye jo raat din ka hai khel sa, isay dekh, is pe yaqeen na ker
    nahi aks koi b mustaqil, sir-e-aaina usay bhool ja

    jo bisaat-e-jaan he ulat gaya, wo jo rastay mein palat gaya
    usy roknay se hasool kya, usay mat bula, usay bhool ja


 

Thread Information

Users Browsing this Thread

There are currently 1 users browsing this thread. (0 members and 1 guests)

     

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •