• The Facebook Platform

Results 1 to 1 of 1
  1. #1
    Join Date
    Jul 2010
    Posts
    28
    Points
    31.82
    Rep Power
    0

    Default Bhaley Dino ki baa hay....

    Bhaley Dino Ki Baat Hai
    Bhali Si Ek Shaql Thi
    Na Ye Ke Husn-E-Taam Ho
    Na Dekhne Mai Aam Si

    Na Ye Ke Wo Chale Tu Kehkashaan Si Rahguzar Lage
    Magar Wo Sath Ho Tu Phir Bhala Bhala Safar Lage

    Koi Bhi Rutt Ho, Uski Chabb
    Fiza Ka Rang Roop Thi
    Wo Garmiyon Ki Chaon Thi
    Wo Sardiyon Ki Dhoop Thi

    Na Mudatton Judaa Rahe
    Na Saath Subah-O-Shaam Ho
    Na Rishta-E-Wafa Pe Zid
    Na Ye Ke Ez-E-Aam Ho

    Na Esi Khush-Libasiyaan
    Ke Saadgi Gila Kare
    Na Itni Be-Taqalufi
    Ke Aayena Haya Kare

    Na Aashiqi Junoon Ki
    Ke Zindagi Azaab Ho
    Na Es Qadar Kathor Pun
    Ke Dosti Khrab Ho

    So, Ek Roz Kya Hua
    Wafa Pe Behes Chirh Gayi
    Mai Ishq Ko Amr Kahoon
    Wo Meri Zid Se Chird Gayi

    Mai Ishq Ka Aseer Tha
    Wo Ishq Ko Qafas Kahe
    Ke Umer Bhar Ke Sath Ko
    Wo Bad-Taras Hiwas Kahe

    Hijr Shajr Nahi Ke Hum
    Hamesh Pa Ba Gul-E- Raahein
    Na Dhool Hain Ke Rasiyaan
    Gale Main Mustaqil Rahein
    Mohabbaton Ki Wus’atein
    Hamare Dast O Pa Mai Hain
    Bas Ek Dar Se Hain Nisbatein
    Sagaan-E- Bawafa Mai Hain

    Tumhari Soch Jo Bhi Ho
    Mai Es Mizaaj Ki Nahi
    Mujhe Wafa Se Ber Hai
    Ye Baat Aj Ki Nahi

    Na Usko Mujhe Pe Maan Tha
    Na Mujhe Ko Uspe Zu’am he
    Jo Ehad He Koi Na Ho
    Tu Kya Gham-E- Shikastage

    So Apna Apna Raasta
    Hansi Khushi Badal Liya
    Wo Apni Rah Chal Pari
    Mai Apni Rah Chal Diya







    Bhali Si Ek Shaqal Thi
    Bhali Si Uski Dosti
    Ab Uski Yaad Raat Din Nahi,
    Magar Kabhi Kabhi


 

Thread Information

Users Browsing this Thread

There are currently 1 users browsing this thread. (0 members and 1 guests)

     

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •